Psalms 35

दाविदाचे स्तोत्र.

1हे परमेश्वरा जे माझ्याशी विरोध करतात त्यांच्याशी तू विरोध कर.
जे माझ्याविरूद्ध लढतात त्यांच्याविरुद्ध तू लढ.
2तुझी मोठी आणि छोटी ढाल घे,
उठून मला मदत कर.
3जे माझ्या पाठीस लागतात त्यांच्याविरुद्ध आपला भाला आणि कुऱ्हाड वापर.
माझ्या जीवास असे म्हण, मी तुझा तारणारा आहे.

4जे माझ्या जीवाच्या शोधात आहेत, ते लाजवले जावे आणि अप्रतिष्ठीत होवोत.

जे माझे वाईट योजितात ते मागे फिरले जावोत व गोंधळले जावोत.
5ते वाऱ्याने उडून जाणाऱ्या भूशासारखे होवोत
आणि परमेश्वराचा दूत त्यांना पळून लावो.
6त्यांचा मार्ग अंधारमय आणि निसरडा होऊ दे.
परमेश्वराचा दूत त्यांचा पाठलाग करो.

7विनाकारण त्यांनी माझ्यासाठी आपले जाळे पसरवले आहे.

विनाकारण त्यांनी माझ्यासाठी खाच खणली आहे.
8त्यांच्यावर नाश अकस्मात येऊन गाठो,
त्यांना त्यांच्याच जाळ्यात अडकू दे.
त्यांच्याच नाशात ते पडोत.

9परंतु मी परमेश्वराच्या ठायी आनंदी असेल,

आणि त्याच्या तारणात मी हर्ष करीन.
10माझ्या सर्व शक्तीने मी म्हणेल, हे परमेश्वरा, तुझ्यासारखा कोण आहे?
जो तू सामर्थ्यवान लोकांपासून गरीबांना वाचवतोस.
आणि गरीबांना आणि गरजवंताना त्याच्या लुटणाऱ्यांपासून सोडवतो.

11अनितीमान साक्षी उठल्या आहेत;

ते माझ्यावर खोटा आरोप लावतात.
12माझ्या चांगल्या बद्दल ते मला वाईट परत फेड करतात.
मी दु:खी आहे.

13परंतू जेव्हा ते आजारी पडले मी तर गोणताट परीधान केले,

माझे मस्तक माझ्या छातीवर ठेऊन, मी त्यांच्या करता उपवास केला.
14मी त्याच्याकरता शोक केला जणू काय तो माझा भाऊ आहे.
मी खाली लवून विलाप केला जशी ती माझी आई आहे.

15परंतु मी अडखळलो असता, त्यांना एकत्र येऊन हर्ष केला.

मला माहित नसता ते माझ्याविरूद्ध एकत्र जमले.
16आदर न बाळगता त्यांनी माझी थट्ट केली.
त्यांनी आपले दातओठ माझ्यावर खाल्ले.

17परमेश्वरा, तू किती वेळ नुसता बघत राहाणार आहेस?

माझा जीव नाश करणाऱ्या हल्यांपासून आणि माझे जीवन सिंहापासून वाचव.
18मोठ्या सभेत मी तुझी स्तुती करेन.
लोकांमध्ये मी तुझी स्तुती करेन.

19माझ्या शत्रूंस अन्यायाने माझ्यावर हर्ष करू देऊ नको.

20कारण ते शांतीने बोलत नाही,
परंतु ते देशातील शांततापूर्ण असणाऱ्यांविरूद्ध कपटाच्या गोष्टी बोलतात.

21ते आपले मुख माझ्याविरोधात उघडतात,

ते म्हणतात, अहा, अहा, आमच्या डोळ्यांने हे पाहिले आहे.
22हे परमेश्वरा, तू हे पाहिले आहेस? तर शांत नको राहू.
देवा, माझ्यापासून दूर राहू नको.
23हे देवा, माझ्या प्रभू, ऊठ, माझ्या न्यायासाठी आणि वादासाठी लढ.

24परमेश्वरा माझ्या देवा, माझे रक्षण कर,

तुझ्या न्यायीपणामुळे, त्यांना माझ्यावर हर्ष नको करू देऊ.
25“आम्हांला हवे होते ते मिळाले,” असे त्यांना आपल्या हृदयात नको बोलू देऊ.
“आम्ही त्याचा नाश केला” असे त्यांना म्हणू देऊ नकोस.
26जे माझ्या वाईटावर उठले आहेत, ते सगळे लज्जीत होवो आणि गोंधळून जावो.
जे माझी थट्ट करतात ते लज्जेत आणि अप्रतिष्ठेत झाकले जावो.

27जे माझ्या इच्छेला समर्थन करतात ते हर्षानाद करोत आणि आनंदी होवोत.

जे आपल्या सेवकाच्या कल्याणात हर्ष पावतात, परमेश्वराची स्तुती असो, असे ते सतत म्हणोत.
तेव्हा मी तुझ्या न्यायाबद्दल सांगेन,
आणि तुझी स्तुती दिवसभर करील.
28